ਤਾਜਾ ਖਬਰਾਂ
ਗੁਰਦਾਸਪੁਰ 24 ਮਈ: ਸ੍ਰੀ ਹਰਗੋਬਿੰਦਪੁਰ ਸਾਹਿਬ ਦੇ ਗੁਜਰ ਭਾਈਚਾਰੇ ਵੱਲੋਂ ਡੰਗਰਾਂ ਲਈ ਇਕੱਠੀ ਕੀਤੀ ਪਰਾਲੀ ਨੂੰ ਦੇਰ ਸ਼ਾਮ ਅੱਗ ਲੱਗ ਗਈ। ਮੱਖਣ ਦੀਨ ਦੇ ਪੁੱਤਰ ਹੁਸੈਨ ਦੀਨ ਨੇ ਦੱਸਿਆ ਕਿ ਲਗਭਗ ਚਾਲੀ ਕਿਲਿਆ ਦੀ ਪਰਾਲੀ ਸੜ ਗਈ। ਬਟਾਲਾ ਫਾਇਰ ਬ੍ਰਿਗੇਡ ਨੂੰ ਸੂਚਨਾ ਦੇਣ ਦੇ ਬਾਵਜੂਦ, ਜਦੋਂ ਤਕ ਉਹ ਪਹੁੰਚੇ, ਪਰਾਲੀ ਪੂਰੀ ਤਰ੍ਹਾਂ ਜਲ ਚੁੱਕੀ ਸੀ। ਇਸ ਘਟਨਾ ਨਾਲ ਲਗਭਗ 2 ਲੱਖ ਰੁਪਏ ਦਾ ਨੁਕਸਾਨ ਹੋਇਆ। ਅੱਗ ਲੱਗਣ ਦਾ ਕਾਰਨ ਅਜੇ ਤਕ ਸਪਸ਼ਟ ਨਹੀਂ ਹੋਇਆ। ਇਲਾਕੇ ਦੇ ਲੋਕਾਂ ਨੇ ਨਗਰ ਕੌਂਸਲ ਕੋਲ ਫਾਇਰ ਬ੍ਰਿਗੇਡ ਦੀ ਗੱਡੀ ਨਾ ਹੋਣ 'ਤੇ ਨਿਰਾਸ਼ਾ ਜਤਾਈ ਅਤੇ ਕਿਹਾ ਕਿ ਜੇ ਗੱਡੀ ਇਥੇ ਹੋਂਦੀ ਤਾਂ ਅੱਗ ਤੇਜ਼ੀ ਨਾਲ ਬੁਝਾਈ ਜਾ ਸਕਦੀ ਸੀ ਅਤੇ ਨੁਕਸਾਨ ਵੀ ਘੱਟ ਹੁੰਦਾ। ਇਹ ਪਹਿਲਾ ਮੌਕਾ ਨਹੀਂ ਜਦੋਂ ਇਲਾਕੇ ਵਿੱਚ ਅੱਗ ਲੱਗਣ ਦੀਆਂ ਘਟਨਾਵਾਂ ਵਾਪਰੀਆਂ ਹਨ।
Get all latest content delivered to your email a few times a month.
